1. |
Harte Zeit
03:41
|
|||
I sog i woaß ned
wia des kommen is -
auf amol war i bei ihr dahoam.
I hob nix gmocht -
es war ja bloß a Nocht
in der Friah war i doch wieder do!
Duast mir d'Haut runter
wegen so am Schmarrn.
Halt der mi auf der Trachtler,
i sei z' schnell g'foahrn
und er moant er riacht an Schnaps!
I sog er muaß si deisch'n
und bloaß eam nei in sei Reahrl.
Er sogt: „komm mit“ und lacht.
Jetzt geh i z'Fuaß
auf unbestimmte Zeit.
Harte Zeit – des is a harte Zeit!
Solo: Dani
Eigentlich wollt i in d'Arbat,
soweit war des mei Plan -
bloß i komm heit ned raus!
I hear 's Telefon leit'n
aber i geh itt ra -
leckt's mi doch kreizweis!
Heit dauch i unter -
morgen bin i wieder z'ruck!
Harte Zeit – des is a harte Zeit!
Solo: Markus
|
||||
2. |
So A Dog
03:31
|
|||
Hear ma zua!
In der Friah steh i auf,
in der Kuch do schauts aus!
Die Bude stinkt nach Rauch,
dass es der Sau graust!
Du moanst des passiert nur di ander'n
derweil stehst mittendrin.
Kriagst den Stoa nia aus dei'm Schuah raus -
du suachst aber findst koan Sinn!
Moch mein Geldbeitel auf -
der is so leer das glei staubt.
S'roacht ned mehr für'n Tschik
für an Schnaps den i jetzt brauch!
Mei Muada dia griaßt mi scho nimma
mei Weib hod ma mit am ander'n g'sehn!
D'Leit song s'wead allat schlimmer,
des muaß si doch jetzt mol drehn.
Heit is wieder so a Dog!
A so a scheena Dog.
Solo: Dani
Heit is wieder so a Dog!
A so a scheena Dog.
So schaugt's aus!
|
||||
3. |
z'East A Halbe
04:41
|
|||
I hob mir kooft, an alta Karra...
s'ganz Joahr hob i g'schpart.
Alle hond g'säht: „ja so a Schmarra -
mit deam Glump mochsch koi Fahrt“.
Und i schraub - so guat i ko
Und i schweiss - dia Blechar no
Und i schraub - unbändig nei
Und i schweiss -...
I schiab'n naus und dapp'n o
Er lofft! ho ho ho hoooo
I dreh a Runde in meim Kaff
Was isch jetz des? der hod koi Kraft!
Oh na - da passt was itt
Oh na - der kriagt koan Sprit!
Oh na - da passt was itt
Oh na - der kriagt koan Sprit!
Ziag ma z'east a Halbe - dann schau ma weida
Ziag ma z'east a Halbe - dann schau ma's o
Ziag ma z'east a Halbe - dann schau ma weida
Ziag ma z'east a Halbe - ganz ganz alloa
Solo: Dani-Markus
Aaahhhh! I schiab 'n z'ruck in mei Garage
ja Herrgot na, leck mi doch am Arsch!
Meine Briada stehn' scho Spalier
Lachen bled, mit a halben Bier
Kriag di ei - bleib in da Ruah
Kriag di ei - für heit is eh scho gnua
Kriag di ei - morgen reiß ma's o
Kriag di ei - dann is der Saubock dro
Ziag ma z'east a Halbe-dann schau ma weida
Ziag ma z'east a Halbe-dann schau ma's o
Ziag ma z'east a Halbe-dann schau ma weida
Ziag ma z'east a Halbe-dann kriag man dro
Reiß ma no a Halbe
Schütt ma no a Halbe
Broad ma nei dia Halbe
Moch ma hie dia Halbe
Zünd ma no a Halbe
Dea ma auf dia Halbe
Loß mer nei dia Halbe
Pack mer no a Halbe!
|
||||
4. |
Wenn du Moanst
03:40
|
|||
Mia zwo war'n dia best'n Freind
nix bringt uns auseinander – so hat's g'scheint!
I hob buckelt fiar mei Geld
du host oans g'hobt und bist g'fahrn damit um dia Welt.
Wenn Du moanst, des muass so sei
dann dua's doch – dann dua's doch
Wenn Du moanst, des muass so sei
dann dua's doch – dann dua's doch
Warst wieder do, nach zwoa Johr
host gmoan't alls schaugt zua dir auf, wia zua am Star!
Koin Respekt vor nix und koam
Host as sogar probiert bei meim Weib dahoam!
Wenn Du moanst, du bist besser wia i
dann komm doch – dann komm doch
Wenn Du moanst, du bist besser wia i
dann komm doch – dann komm doch
Solo: Markus-Markus-Dani
Fort wärst 'bliem, däs hätt i g'wollt
verfluacht und da Deifl hätt di g'holt!
Wenn Du moanst, du bist besser wia i
dann komm doch – dann komm doch
Wenn Du moanst, du bist besser wia i
dann komm doch – dann komm doch
|
||||
5. |
Alls Verloarn
05:40
|
|||
Er ziagt sich o sei bestes G'wand.
Bind sich zua, seine neian Schuah.
Nimmt sei Jack'n von da Wand -
geht dann naus und sperrt sei Haisl zua.
Zum rauchen hod a scho lang aufgheart.
Zünd si aber grad no oane o.
Lauft dann los und schaut nimma z'ruck -
bis a steht auf der hoachen Bruck.
Am Bruckagländer loahnt a si o -
losst sei Leb'n Revue passiern.
Seine Kind siggt da oamal im Johr -
sie hom eam nia verzieh'n.
Arg g'liabt hod a sei Frau a so -
s'hob'm draumt, sie waern zam alt.
Wia's derwischt hod mit dem andern Mo
hod as derschlong mit G'walt!
Alls verloarn
Da hod a alls verloarn
Solo: Dani
15 Johr ham's sollen sei -
jede Stund hod er's bereut.
Jetzt schaugt da nunter in's Wasser nei -
losst si fall'n und is frei...
Und wia a in's dunkle fliagt
wead eam ganz warm um's Herz.
So guat hod er si scho lang nimma g'fühlt
Do is koa Schmerz.
Alls verloarn
Da hod a alls verloarn
|
||||
6. |
Höllenbriada
03:50
|
|||
7. |
Ja Woher?
03:32
|
|||
O mei Mo!
Endlich Feierob'nt, z'ammgschafft aber
z'frieda gluschtat's mi noch a Halba!
Sperr d' Hausdiar auf und sigg dei G'fries
und 's Drama nimmt sein Lauf!
Allat s'gleiche, i glob i red an a Wand.
Ja wia soll i mir des alls merka?
Wechselsch doch dei Meinung wia a dreckat's Gwand!
Was isch denn jetzt scho mea verkehrt?
Was weiß denn i was di heit steart?
Woher soll i des wiss'n?
I koof dir Bloama, an scheana Roasastrauß.
Du moinsch glei mi plogt mei G'wissa -
sag i "na" wirfsch mi hoachkant aus'm Haus!
Was isch denn jetzt scho mear verkehrt?
Was weiß denn i was di heit steart?
Woher soll i des wiss'n?
Dann lecksch mi jetzt o am Arsch... No gang i halt zum Wirt...!
Solo: Markus-Dani-Markus-Dani
Woher soll i des wiss'n?.....
...Hosch ma da Grind ra g'schraubt...und in Hals nei g'schiss'n!
|
||||
8. |
Schwarzer Finger
04:19
|
|||
In der Noacht bin i bei'r Diar raus g'rennt.
So weit weg wia i bloß ko!
I woaß i bin ned alloa -
dia Nocht is schwarz aber i woaß er is do!
Mir wird allwei' kälter,
meine Haar stellts mir auf!
Am liabsten dad i laut schrein -
a ned amoal a flüstern kriag i raus...
Mit seim' schwarzen Finger
Er zoagt mit seim Finger auf mi.
Solo: Markus
Er greift mit seine kalten Händ nach mir
|
||||
9. |
||||
I weiß no wia’s friana war
jed’n obn’t futt
Dienstag, Migda scheißegal
s’ hod halt o koan g’juckt.
Und isch ma erst um viere hoam,
um siemne mehr in’d Arbat nei.
Heit schaut des ganz anderscht aus,
komm vom Kanapee itt ra -
und ziagt’s mi mol bei’r Hitta naus,
bin i glei mea do.
S’braucht dabei koin b’sondra Grund,
minimum schlof i acht Stund!
Mir ziagt’s meine Oga nunter-
schittlat’s am ganza Leib,
s’ bleibat bloß a paar Stunda –
Lofft d’r Weckar ra, no isch vorbei!
Jetzt muaß i schnell schloffa,
muaß i ganz schnell,
weil morga friah is d’ Nacht vorbei!
Solo: Markus
Jetzt muaß i schnell schloffa,
muaß i ganz schnell,
weil morga friah is d’ Nacht vorbei!
Is jetzt des scho mea so spät?
|
||||
10. |
Auf Geht's Prost!
02:31
|
|||
Mia san zu viert und lauf'n ei beim Wirt.
An unser'n Tisch, des Bier is scho serviert!
Dia erste Halbe ziach ma mit zwoa Schluck!
Auf geht’s Prost – das d' Gurgl ned rost!
Am Nachbartisch wead dann glei mol g'raufft
der oana heb'm ander'n 's Weib o'gschaut!
Mia vier steig'n glei mit ei!
Auf geht’s Prost – das d' Gurgl ned rost!
Solo: Dani
Bis as Bluat bis in d' Kuch nei spritzt
und 's Messer 'n Grigl aufschlitzt!
Zahl 'mer schnell und sind scho fuat!
Auf geht’s Prost – das d'Gurgl ned rost!
|
||||
11. |
Niedergschlong
04:44
|
|||
Wart dia ganz Woch
bis mir uns wiederseh'n.
Hob ganz woache Knia,
konn grad a so no steh'n.
Geh' unter d'Dusch,
des Wasser duat ma guat.
Ziag a Halbe no nei,
für a bissl an Muat.
Lauf ei in mei Beiz-
Druck mi zwischen d'Leit -
konn di nirgends sehn -
drah mi wieder um zum geh'n.
Will wieder hoam
und schleich mi durch d'Stadt.
Bild mir ei, dass du eamats auf mi woartst.
Biag rum ums Eck
und sigg di do steh,
mit am anderm im Arm -
des is ja grod schee!
Und i woaß oans des is gwiess,
kummt a bled hau i eam nei in sei G'fries!
Er schaugt mi o - und ziagt durch,
i flack im Dreck und schmeck mei Bluat!
Am Boden niedergschlong!
Hod mi am Boden niedergschlong!
Solo: Dani
In Dreck nei...und i schmeck mei Bluat!
In Dreck nei...g'schlong!
Am Boden niedergschlong!...Na...Na...Na...Na...
|
Höllenbriada Schongau, Germany
Lauter, erdiger 70er/80er Jahre beeinflusster, meterdicker old-school Hard Rock von dem Quartett aus dem Pfaffenwinkel. Gsunga wead dabei boarisch!
Streaming and Download help
If you like Höllenbriada, you may also like:
Bandcamp Daily your guide to the world of Bandcamp